Bakakak Hayam

Bakakak Hayam nyaeta masakan tradisional Sunda. Bakakak hayam nyaeta lauk atawa lauk keur ngalengkepan dahar sangu. Bekakak hartina korban peuncitan sato atawa manusa. Sabab bentukna siga jelema diuk salang-salang dina basa Sunda disebutna Bakakak.

Saloba-lobana masarakat Sunda hususna wewengkon Pandeglang, hayam bakakak teh kaasup kana kadaharan anu dipake pikeun kagiatan adat, saperti kawinan, khitanan jeung upacara adat sejenna.

Dina upacara kawinan, bakakak hayam dijadikeun sesajen utama dina acara, nyaeta kadaharan anu dikhususkeun pikeun calon panganten lalaki sarta henteu pikeun tamu ondangan. Dina akad nikah, bakakak hayam ngan ukur disuguhkeun hayam teu aya panambih. Bakakak hayamm angrupa sarat khusus anu kudu dicumponan dina upacara kawinan ngaliwatan dua proses, nyaeta

Bakakak hayam diemam kupanganten. sanggeus akad nikah sarta sanggeus duanana diuk dina korsi panganten. Hayam bakakak disuguhkeun dina piring, teu make sangu. Lajeng, panganten silih parebut pikeun nyokot hayam sapotong badag. Ukuran potongan ngalambangkeun gedena rejeki nu bakal dipikahareupeun dina mangsa nu bakal datang kahirupan rumah tangga.

Diteruskeun kupanganten lalaki ngahuapan panganten awewe. Ieu ngalambangkeun rasa cinta, silih pikanyaah jeung silih ngalengkepan.

Dina upacara nyunatan, bakakak hayam disuguhkeun khusus pikeun budak anu sunat, lain keur tamu ondangan. Hayam bakakak Dina khitanan. Upacara ieu ngandung harti atawa perlambangkeun budak nu disunatan bakal dewasa lahir jeung batin. Bakakak hayam disuguhkeun sanggeus budak disunatan. Ieu dilakukeun kalawan maksud sangkan budak nu disunatan bakal ngarasa bungah tur dijadikeun ubar pikeun gancang nyagerkeun sarta ngarangsang mulangkeun tanaga barudak anu sieun jeung leuleus sanggeus sunat. Biasana dina mangsa sunatan, bakakak hayam dilengkepan ku jajanan kayaning jajan pasar.

Bakakak hayam oge dipake alat upacara adat sabab pikeun urang Sunda kadaharan ieu mangrupa kadaharan tradisional anu sok disajikeun dina waktu-waktu upacara anu tangtu. Hayam anu biasa digunakeun ku urang Sunda nyaeta hayam jago, sabab sabagian masarakat Sunda percaya yen hayam jago mangrupa sato anu ngusir kajahatan arwah karuhun ulah ngaganggu tapi dipiharep bisa ngalancarkeun sagala rupa kagiatan dina kahirupan masarakat Sunda.

Hayam Bekakak henteu ngan ukur disuguhkeun dina upacara adat, tapi ayeuna loba restoran Sunda anu nyadiakeun menu hayam bakakak. Kawas di salah sahiji rumah makan di bogor aya hayam bakakak disuguhkeun jeung sayuran seger make sambel.

Bakakak hayam bisa jadi ubar, sabab dijieun tina bumbu kayaning bawang bodas, bawang beureum jeung katuncar. Bawang bodas anu ngandung minyak atsiri, allcin jeung alin bisa mantuan proses nyageurkeun atawa nyegah panyakit jantung koroner, darah tinggi. Bawang beureum ngandung plavonglycosides nu boga fungsi minangka racun nu mampuh maehan bakteri jeung anti radang. Katuncar miboga sipat ngahaneutan awak, nyegah pilek.

Salain ti yen bakakak hayam miboga ajen budaya jeung fungsi sosial. Ajen kabudayaan nu dipimilikna nyaeta mangrupa kadaharan tradisional masarakat Sunda nu disuguhan dina upacara-upacara nu tangtu. Fungsi sosialna nyaeta kadaharan ieu teh ngagambarkeun kabersamaan nu diwujudkeun dina upacara-upacara atawa kegiatan nu tangtu.

---

Siti Nur Nazmilah