Pentingna Pendidikan

Pendidikan mangrupakeun jajaran kabutuhan dasar jalma supaya bisa leuwih bagja kahareupna, pendidikan oge bisa ngabantu tina kamajuan banga kusabab, mangsa hareup bangsa bisa jadi aman lamun dicekel ku masyarakatna anu boga pendidikan nu sae.

Ku ayana pendidikan bisa ngahapuskeun pemikiran anu salah nu pernah aya dipikiran urang, pendidikan mere gambaran anu caang supaya urang teu ngarasa kabingungan, sabab ku ayana pendidikan, hal-hal anu tadina urang teu nyaho jadi nyaho.

Pendidikan oge lain saukur ajang neangan pagawean wungkul, tapi ku ayana pendidikan tiasa ngajarkeun urang kana sopan santun jeung hal-hal anu leuwih bener. Ku ayana pendidikan urang jadi bisa ngarencanakeun mangsa hareup nu leuwih hade, sarta bisa nyokot kaputusan anu bener tina kahirupan, intina bisa nyieun urang keuwih hade bagja engkena.

Jalma anu boga pendidikan nu luhur bisa leuwih gampil menangkeun pagawean asal urang teh kudu terus ikhtiar jeung ngadoa pikeun menangkeun pagawean nu dipikahayang ku urang, sarta meraktekkeun elmu nu kudu urang bisa.

Pendidikan anu sae tangtu ageng pisan manfaatna pikeun kahirupan saha bae eta jalmana, urang kudu diajar saluhur-luhurna pikeun ningkatkeun kualitas kahirupan.

Tileuleutik barudak kedah diajarkeun pendidikan bisa di sakola,dilingkungan, di imah, di pangajian pikeun ngabangun akhlak nu hade ajang engkena. Ku ayana pendidikan di sakola tujuanna tangtu wae beh anu tadina teu nyaho jadi nyaho.

Aya oge kauntungan pikeun pendidikan teh diantarana, ngajadikeun urang leuwih pinter, nyaho kana hal-hal anu bener henteuna, leuwih bijak, babari neangan pagawean, jeung bisa mikir nu leuwih bener.

---

Naila Putri Faatihah